GÓP-fréttir: Saga Félags kennara á eftirlaunum

GÓP-fréttir FKE-vefurinn	Árið 2012 13. hluti sögu Félags kennara á eftirlaunum sem stofnað var árið 1980 Skrásett af GÓP.
>>	Hér er saga félagsins - Kaflaskil eru við áramót en ekki við aðalfundi. >> 2012 >> (nútíminn er alltaf í vinnslu - og í uppröð!!) << þessi síða 2011 2010 2009 2008 2007 2006 2005 2004 2000 - 2003 1997 - 1999 1990 - 1996 1980 - 1989 << fyrstu tíu árin Sumarferðir og sérstakir viðburðir - Minni Freysteins Gunnarssonar. Athugaðu að hér er ferðatal félagsins og sagt frá ferðum ársins.
221. skf. 5. maí 2012 Músaðu hér til að sjá allar myndirnar	Fræðslu- og skemmtifundur - og aðalfundur á Grand Hóteli við Sigtún 38 Emil Ragnar Hjartarson, Elín Bjarnadóttir og Sigurður Kristinsson. Fyrst voru spiluð tólf spil þar sem Elín Bjarnadóttir varð hæst kvenna og Sigurður Kristinsson hæstur karla. Eftir hátíðakaffið hófst aðalfundurinn. Hermann Guðmundsson Samþykkt var tillaga formanns um Hermann Guðmundsson sem fundarstjóra aðalfundarins. Formaður flutti skýrslu stjórnar um starfsemi félagsins undangengið ár og Kristín Ísfeld lagði fyrir og skýrði reikninga félagsins. Emil Ragnar Hjartarson var endurkjörinn formaður. Kosnir voru í stjórn þeir sem hefðu átt að ganga úr stjórninni en gáfu kost á sér til áframsetu enda ekki komið að lagamörkum á stjórnarsetu neins þeirra. Einn varamaður í stjórn gaf ekki kost á sér og í hans stað var kjörinn Pétur Bjarnason. Hin nýja - gamla stjórn - Emil Ragnar, Þóra Alberta Guðmundsdóttir, Þóra Kristinsdóttir, Kristín Ísfeld, Ásdís Gunnarsdóttir og Hinrik Bjarnason - en Pétur Bjarnason var upptekinn vestur á fjörðum. Stjórnin skiptir svo sjálf með sér störfum að öðru leyti. Skoðunarmenn reikninga voru kjörnir þeir Kristján Siggeirsson og Sveinn Kristjánsson og til vara Auður Jónasdóttir. Hinrik Bjarnason Undir liðnum önnur mál kvaddi Hinrik Bjarnason sér hljóðs en hann er annar tveggja fulltrúa félagsins í Kjararáði KÍ. Hann sagði af málefnum Lífeyrissjóðsins og þeim atgangi sem kemur nokkuð reglubundið upp frá öðrum aðilum þar sem reynt er að afflytja málefni hans og ganga á lífeyrisréttindi sjóðfélaganna. Að lokum stjórnaði formaður félagsins fjöldasöng og sleit síðan fundinum en hvatti fundarmenn til að sitja áfram um stund og spjalla og fá sér meiri veitingar.
220. skf. 14. apr. 2012 Músaðu hér til að sjá allar myndirnar	82 félagar á fræðslu- og skemmtifundi sem um leið var stjórnaráðsfundur ársins og 15 ára afmælishátíð EKKÓ-kórsins á Grand Hóteli í Sigtúni 38 í Reykjavík Formaður félagsins, Emil Ragnar Hjartarson, stýrði fundi og spilum. Spilaverðlaunin hlutu þau Margrét Hallgrímsdóttir og Guðmundur Rafnar Valtýsson. Fyrrum stjórnarmenn frá vinstri: Gísli Ólafur Pétursson, Hermann Guðmundsson, Jóna Sveinsdóttir, Margrét Schram, Bryndís Steinþórsdóttir, Rannveig Sigurðardóttir, Þorsteinn Ólafsson, Kristján Sigtryggsson og núverandi formaður félagsins Emil Ragnar Hjartarsson. Myndina tók Kristján Sigfússon. Þessi fundur var jafnframt sá fundur ársins þegar fyrrum stjórnarmönnum eru sérstaklega þökkuð þeirra framlag til viðgangs og velgengni félagsins. Veislukaffið markar ætíð kaflaskil á fræðslu- og skemmtifundum félagsins. Þegar glasaglaumnum slotar hefst síðari hlutinn með sínu efni og þótt menn njóti áfram veitinga er allt hljóðlega gjört. Nú hófst atburðarás afmælishátíðar EKKÓ-kórsins með fjöldasöng við undirleik kórstjórans, Bjarts Loga Guðnasonar. Guðfinna Inga Guðmundsdóttir flutti ávarp. Myndina tók Kristján Sigfússon. Þá flutti ávarp Guðfinna Inga Guðmundsdóttir, formaður kórsins, Rannveig Sigurðardóttir flutti ávarp og einnig Rannveig Sigurðardóttir en hún hefur verið félagi í kórnum frá stofnun hans árið 1997. Hún var formaður fyrstu 10 starfsárin og auk þess eru hún og Ernst Backman nú aldursforsetar kórsins - með einn um nírætt. Egill Sigurðsson flutti ávarp. Egill Sigurðsson, gjaldkeri kórsins, flutti ávarp - sem fjallaði um ýmislegt skemmtilegra en peningamál. Kórinn flutti valin sönglög af ýmsum gerðum og gerði öllum glatt í geði. Guðfinna Inga, Bjartur Logi, Rannveig og Þorbjörg Guðmundsdóttir en þær Rannveig og Þorbjörg hafa starfað í kórnum frá upphafi. Myndina tók Kristján Sigfússon. Bjartur Logi Guðnason stjórnandi EKKÓ-kórsins. Myndina tók Kristján Sigfússon. Hulda Jóhannesdóttir orti ljóðið Gamli bærinn sem Ernst Backman samdi lagið við og EKKÓ-kórinn flutti. Fundinum lauk með fjöldasöng við undirleik Bjarts Loga.
220. skf. 4. feb. 2012 Músaðu hér til að sjá allar myndirnar	*Árshátíð* á Grand Hóteli við Sigtún 38 Veislusalurinn opnaður kl. 18:30. Hátíðin hófst kl. 19. Veislustjóri var Emil Ragnar Hjartarson, formaður félagsins. Hátíðarkvöldverður.
	Hinrik Bjarnason fór með ferðavísur og vegaljóð - og rifjaði þannig upp næstfarnar ferðir félagsins. Hinrik og Kolfinna
	Bjartur Logi Guðnason stýrði EKKÓ-kórnum
	Dregið var um höpp kvöldsins Ingólfur Guðmundsson og Áslaug Eiríksdóttir hlutu sæti í dagsferðinni 11. júlí í sumar. Sigurður Jóelsson og Jóna Sveinsdóttir hlutu miða á árshátíðina 2013. Sighvatur Sveinsson lék undir fjöldasöng og fyrir dansi í lok hátíðar.
219. skf. 4. feb. 2012 Músaðu hér til að sjá allar myndirnar	Fræðslu- og skemmtifundur á Grand Hóteli við Sigtún 38 Vinningshafarnir Steinn Sveinsson, Karen Vilhjálmsdóttir og Þóra Guðmundsdóttir sem afhenti verðlaunin. Ingibjörg Sigurgeirsdóttir, Berta Sigtryggsdóttir og Ragnheiður Jónsdóttir glöddu okkur með innleggi frá bókmenntahópnum. Að þessu sinni var veislukaffið síðasti liður á dagskrá og menn sátu rólegir, nutu veitinganna og ræddust við.
218. skf. 7. jan. 2012 Músaðu hér til að sjá allar myndirnar	Fræðslu- og skemmtifundur á Grand Hóteli við Sigtún 38 Um 60 voru á fyrsta fundi ársins. Fundinn setti Emil Hjartarson, formaður félagsins og stjórnaði inngangs-söng. Gangsetti síðan og spila-hluta fundarins. Ásdís Gunnarsdóttir afhenti spilaverðlaunin þeim Sigurði Jóelssyni og Rannveigu Pálsdóttur. Tryggvi Gíslason fræddi okkur um uppruna þeirrar hugmyndar að taldir eru þrettán dagar jóla - en í dag var einmitt þrettándinn, - og las okkur ljóð eftir Vilborgu Dagbjartsdóttur. Fundarstjóri leiddi lokasöng og sleit fundinum en bauð fundargestum að taka lífinu með ró og njóta áfram veitinganna.

Efst á þessa síðu * FKE-vefurinn * Forsíða GÓP-frétta