Þú vissir -
eða veist það nú!

• Áfengið er áhyggjuefni (1879)
• Besta sparnaðarráðið
• BMI - Body Mass Index - kjörþyngdarreikningur
• Bænin er máttug - sjálfsefjun til sjálfseflingar
• Dekkjatextar - hvað merkir það sem skrifað er á bíldekkin?
• ð Р
• Ertu viss? 
• Forsetningar með staðaheitum - Vestur á Reykjavík?
• Garðurinn - þú þarft sennilega ekki að eitra!!
• Gull - eða gulls ígildi
• Heilablóðfall?? - Fékkstu slag??
• Hentu afganginum!  
• Hjartáfall? - Hjálpum hjartanu!
• Hrotur og ofnæmi
• Innlegg Guðmundar Odds um leiðina frá sparðatíningi til sköpunar
• Kalkhreinsirinn - hreinsar kalkið af gler-baðklefanum!
• Kláraðu matinn þinn! 
• Matarpýramídinn
• Megrunar-ráðið
• Mjólkin veldur krabbameini +
• Náttúruverndarhugtök náttúruverndarlaga - í okt. 2011.
• Páskar - hvenær voru/verða þeir? - opnaðu hér Excel-skrá frá Vikari Péturssyni þar sem þú getur skoðað hreyfanlega tyllidaga frá 1900 til 2099.
• Samningamál - grunnatriði að hafa í huga
• Skoðunarferð um Reykjavík
• Tannkremið << að draga saman seglin með því að hætta að sóa
• Toppurinn ?
• Tónlist - nokkur spennandi verk
• Uppskriftir
• Veggfóðrun
• Vertu tillitssamur og heiðarlegur
• Ýmis hagnýt ráð
• Ökumaður - keyrðu á kindina!

*

*

*

*

*

*

*

*

*

Styrking
sjálfsins
Þessi texti er
gamall en hér
tekinn úr
Blaðinu
20. maí 2005.

Þetta hefur auðvitað ekkert með guðið að gera.

Notaðu sömu aðferð til að styrkja þitt eigið sjálf.
Segðu með innlifun að minnsta kosti tvisvar á dag:

• Ég er sterk/sterkur.
• Ég get gert allt sem ég vil.
• Ég er falleg manneskja.
• Ég er engum háð/háður og stend á eigin fótum.
• Ég geri líf fólksins í kringum mig skemmtilegra.
• Ég er vel gefin/gefinn og bý yfir styrk til þess að fara þangað sem ég vil.
• Ég er hress og skemmtileg/skemmtilegur.
• Ég bý yfir ótal kostum þótt ég sé ekki fullkomin/fullkominn. Það er heldur enginn fullkominn.
• Ég ætla mér að lifa lífinu og skemmta mér á mínum forsendum.
• Ég ... (bættu því við sem þú sérð að vantar!)

Upplýsingar
af gamalli
blaðaúrklippu

• Nafn framleiðanda og tegund dekksins eru yfirleitt mest áberandi - þ.e. með stærstu stöfunum.
• Talnarunan - 195/65R15 -
  • 195 segir til um breiddina á slétta slitfletinum sem snertir veginn - í millimetrum.
  • 65 er hæð dekksins frá felgu sem prósenta af breidd slitflatarins. Hæð þessa dekks frá felgunni er því 65% af 195 eða 195 * 65% = 126,75 millimetrar.
  • R merkir að þetta er Radial-dekk. Þegar enginn bókstafur er í þessu sæti er um að ræða dekk sem er uppbyggt á svonefndan Diagonal-máta - og er nánast hætt í framleiðslu fyrir venjulega bíla.
  • 15 segir fyrir um að felgustærðin skal vera 15" = 15 tommur.
• Talnarunan - 91T -
  • 91 segir til um burðarþolið. Hér er það 91 * 5,792 (án þess ritari viti hvers vegna) = 527 kg fyrir hvert dekk.
  • T segir til um að hraðatakmörk þessa dekks eru 190 km/klst.
    • Bókstafirnir merkja:
      L = 120, M = 130, N = 140,
      P = 150, Q = 160, R = 170,
      S = 180, T = 190, U = 200,
      H = 210, V = 240, W = 270,
      Y = 300.
  • M+S eða M&S merkir mold og snjór eða að um er að ræða heilsársdekk.

ð Ð

• Sigfús Blöndal sagði 1924 í Íslensk-dönsk orðabók um bókstafinn ð:
  („stungið d"), det isl. Alfabets sjette Bogstav. Det findes kun i Ind- og Udlyd og udtales omtrent som engelsk th i father, mother, path, dels som [ð]: raða, iðn, eyðsla - dels som [þ] (i sydlandsk Udtale foran k og i Nordlandsk efter lukket Konsonant, ligel. i Sammensætninger foran h + Vokal og i enk. andre Forb., se nærmere derom Fortalen): blíðka, lægð, boðháttur, borðsilfur. - I Udlyd vakler Udtalen, is. i Sydlandsk, mellem stemt og ustemt: vað, hefð.
  I den ældre Ortografi, indtil Njálaudgaven 1772, brugtes d for ð, men Rask fastslog Anvendelsen af ð i Beg. af det 19. Aarh. og nu er den trængt igennem. - Paa Vestfjordene og til Dels paa Snæfellsnes udtaler man imidlertid d i forskellige Forbindelser, hvor Bogsproget og det sædvanlige Talesprog bruger ð, saal. brigda, sagdi, lagdi osv. for brigða, sagði, lagði osv.

ð Ð

• Fyrir 190 árum þröngdi sá ágæti útlendingur Rasmus Kr. Rask bókstafnum ð ofan í kok íslensks almennings með aðstoð málfræðiskriffinna. Þar með var ð-hljóðið gert ráðandi í stað þeirra hljóða sem einnig voru í gangi með þjóðinni í framburði þessara orða. Þetta ð-hljóð finnst mér auðga málið okkar.

• Rasmus Kr. Rask teiknaði handa okkur útlit bókstafsins ð sem seinni leturgerðarmenn hafa síðan fágað.

• Stórt Ð er stórt D með striki.

• Ef Rasmus Kr. Rask hefði látið litla ð fá útlit lítils d með striki - þá hefði það reynst okkur ómetanlegt vegarnesti í sókn okkar eftir að fá séríslenska bókstafi inn í forgangs-letursett tölvunnar.

Þar lestu um hvernig raungreinamenn er móttækilegri fyrir hindurvitnum en félagsvísindamenn og hvernig við öll þykjumst sjá reglu í þeirri atburðaóreiðu sem verður af daglegri hendingu. 

Listi
Hallgríms
Helgasonar
í Fréttabl.
júlí 2006

*

Hallgrímur
Helgason,
kærar þakkir!

*

Listi Hallgríms
var í
hring um landið en
hér er stöðum
raðað í stafrófsröð.
Nytsamt væri að
fá hann í fleiri
uppröðunum -
t.d. eftir
landshlutum.
Bæta má miklu
fleiri nöfnum
á listann.

Ef þú býrð til
aðra uppröðun
- eða hefur tillögur
um viðbætur eða
leiðréttingar
og
lagfæringar
- þá sendu hana
í netpósti
á GOPfrettir

Sá listi sem hér birtist er endurtekning á lista Hallgríms - í stafrófsröð. Vonandi fyrtist hann ekki við það.

Listann má alltaf betrumbæta með því að senda póst hingað á GÓP-fréttir með endurbót, leiðréttingum, viðaukum og einnig með öðrum uppröðunum - svo sem eftir landshlutum og svo má bæta miklu fleiri staðarheitum við.

Við förum ...
til Reykjavíkur, til Keflavíkur, til Akureyrar, til Húsavíkur, austur yfir heiði (Hellisheiði frá Vesturlandi), austur fyrir fjall, undir Eyjafjöll, út í Eyjar, utan,
á Selfoss, á Þingvöll og svo framvegis þangað sem við erum ... :

Við erum ... (heima, erlendis)

• á
  Akranesi, Akureyri, Álftanesi. Bakkafirði, Barðaströnd, Bessastöðum, Bíldudal, Blönduósi, Borgarfirði eystri, Breiðafirði, Breiðdalsvík, Brjánslæk, Brú, Búðum, Dalvík, Djúpavogi, Drangsnesi, Egilsstöðum, Eskifirði, Eyrarbakka, Grenivík, (á/í) Grundarfirði, Grundartanga, Fáskrúðsfirði, Flateyri, (inni á) Hallormsstað, Hellu, (austur á) Héraði, Hofsósi, Hornströndum, Hólmavík, Hvammstanga, Hvolsvelli, Höfn, Húnaveri, Húsavík, Ísafirði, Kirkjubæjarklaustri, Kjalarnesi, Kópaskeri, Ólafsfirði, Laugum, Mýrum, Mývatni, Norðfirði, Patreksfirði, Raufarhörn, Reyðarfirði, Reykhólum, Sauðárkróki, Selfossi, Seltjarnarnesi, Seyðisfirði, Siglufirði, Skagaströnd, Sléttu, Ströndum, Stöðvarfirði, Suðureyri, Tálknafirði, Vopnafirði, Þingeyri, Þingvöllum, Þórshöfn, ...
• í
  Árneshreppi, Árbæ, Bjarkarlundi, Bláa lóninu, Bolungarvík, Borgarfirði, Borgarnesi, Breiðdal, Breiðholti, Búðardal, Djúpinu, Djúpavík, Eyjafirði, Fjörðum, Flatey, Fljótshlíð, Fljótum, Garðabæ, Garðinum, Grafarvogi, Grindavík, Grímsey, (í/á) Grundarfirði, Hafnarfirði, Hnífsdal, Hornafirði, Hrísey, Hrútafirði, Hvalfirði, Kjós, Kópavogi, Litla-Hrauni, Loðmundarfirði, Miðbænum, Mosfellsbæ, Munaðarnesi, Mývatnssveit, Möðrudal, Neskaupstað, Ólafsvík, Sandgerði, Saurbæ, Skaftafelli, Skagafirði, Skógum, Staðarskála, Stokkseyri, Stykkishólmi, Trékyllisvík, Vaglaskógi, Varmahlíð, Vatnsfirði, Vík, Vogum, Þorlákshöfn, Þykkvabæ, Öræfum, ...

ættuð ...

• að vestan, af Héraði, af Suðurlandi, norðan af Ströndum, úr Árnessýslu, úr Lóni, úr Skagafirði, úr Þingeyjarsýslum, ...

og utan landsteinanna erum við ...

• á
  Bretlandseyjum, Grænlandi, Hawaii, Indlandi, Írlandi, Ítalíu, Kanaríeyjum, Kastrup, Kúbu, Kýpur, Nýfundnalandi, Spáni, Suðurskautslandinu, Svalbarða, Norðurpólnum, tunglinu, Mars
• í
  Afríku, Asíu, Bandaríkjunum, Bretlandi, Færeyjum, Grikklandi, Ísrael, Japan, Leifsstöð, Líbanon, Palestínu, Portúgal, Skotlandi, Sviss, Víetnam, Wales, heiminum

vatn
og
græn-
sápa

Blaðlýs eru margar. Birki, rifs og rósir verða helst fyrir barðinu á þeim. Mest er af þeim seinni part sumars. Þær leggjast mest á nýsprotana og vegsummerki þeirra eru upprúlluð og krumpuð blöð

Ef þú vilt endilega úða þá skaltu blanda vatni og grænsápu á úðabrúsa. Það virkar ágætlega á maðkinn og lúsina.

Út með
dúninn!

Út með
tengda-
pabba! 

Gríðarleg aukning hefur orðið á margvíslegu ofnæmi. Það er auðvitað frábært fyrir ofnæmislæknana sem þar með hafa nóg að gera. Við hin ættum að athuga hvort magnaðir ofnæmisvaldar eru komnir í hús okkar eins og jurtirnar sem kallastt Figus Benjaminicus og Tengdapabbi eða Gúmmíplantan og einnig eru ýmsir kaktusar duglegir í þessu efni. Prófaðu bara að setja þessar jurtir út úr húsinu þínu!

Hjarta-
áfall ??

Sendandi:
Aðalheiður Guðmundsdóttir, hjúkrunarstjóri sjúkrasviðs heilbrigðisstofnunar Suðurlands adalheidur@hsu.is 2.11.2010

Hjartaáfall og heitt vatn

Það tekur aðeins tvær mínútur að lesa þessa mikilvægu upplýsingar og ég sendi þetta til þeirra sem mér þykir vænt um ........

Ég vona að þú gerir það líka!!!

Lesa
og
senda
áfram !!

Þessar upplýsingar eru mjög mikilvægar.
Ekki aðeins um heita vatnið að lokinni máltíð,

 heldur einnig um hjartaáföll.

Kínverjar og Japanir drekka ekki kalt vatn með mat. Þeir drekka heitt te.
Ef til vill er tímabært að taka upp drykkjusiði þeirra með mat.

Eftirfarandi upplýsingar eiga sérstaklega erindi til þeirra sem sem finnst gott að fá sér kalt vatn. Það kann að vera hressandi að fá sér glas af köldu vatni með mat eða að lokinni máltíð.
Kalt vatn herðir hins vegar feit efni (olíur og fitu) í matnum sem þú varst að borða og hægir á meltingunni.

Um leið og þessi "seyra” hvarfast við sýru, brotnar hún hraðar niður í þörmunum en föst fæða og einangrar þarmavegginn. Fljótlega mun þetta breytast í fitu og getur leitt til krabbameins.
Það er best að drekka heita súpu eða heitt vatn með mat eða að lokinni máltíð.

Almenn einkenni hjartaáfalls

Hér eru nokkur mikilvæg atriði sem tengjast hjartaáföllum:

• Verkur í vinstri handlegg eru ekki eina einkenni hjartaáfalls.
• Ákafur kjálkaverkur getur verið einkenni hjartaáfalls.
• Þú getur lent í hjartaáfalli án þess að fá brjóstverk.
• Ógleði og ákafur sviti eru einnig algeng einkenni hjartaáfalls.

60% þeirra sem fá hjartaáfall í svefni vakna ekki aftur - en kjálkaverkur getur vakið þig af svefni. Verum því varkár og meðvituð. Því meira sem við vitum, því meiri líkur eru á því að við lifum af hjartaáfall.

Hjartalæknar segja að ef allir sem lesa þessi skilaboð senda þau til 10 manns getum við verið viss um að það bjargi að minnsta kosti einu mannslífi.

Lestu þetta og sendu til vinar. Það gæti bjargað lífi.
Vertu sannur vinur og sendu þessa grein til allra vina þinna sem þér þykir vænt um.

Vísunin hingað á hjarta-greinina er þessi:
http://www.GOPfrettir.net/open/thuveist/hjarta 

Heila-
blóðfall ??
Slag ??

Þau hjálpuðu henni á fætur og fengu henni annan disk með veislukostinum. Ingunn var dálítið eftir sig en hélt áfram að skemmta sér með hinum. 

Maðurinn hennar hringdi seinna og sagði að hún hefði verið flutt á sjúkrahús. 

Kl. 06:00 var hún látin.

Hún hafði fengið heilablóðfall í veislunni. Hefðu menn þar vitað hvernig maður fer að því að greina vísbendingar um heilablóðfall hefði Ingunn ef til vill verið á lífi enn í dag.

Einar Már
Valdimarsson
læknir
í Mbl. 7.12.07:
 ".. segaleysandi
meðferð við
blóðtappa í
heilaslagæð
... verður að
beita innan
þriggja klst
frá því
veikindi hófust."

Erfiðast er að þekkja að um heilablóðfall sé að ræða - og síðan að koma sjúklingnum til læknis áður en þrír tímar eru liðnir.

Hringdu
í
112

Einar Már Valdimarsson læknir við Taugalækningadeild Landspítalans segir í Mbl. 7.12.07:

"Eftirfarandi einkenni ættu flestir að kannast við:

• Skyndileg máttarminnkun öðrum megin í andliti, handlegg eða fótlegg.
• Skyndilegir örðugleikar við að tala - eða/og skilja einfalt mál.
• Skyndilegir örðugleikar við að ganga, truflað jafnvægi.
• Skyndileg sjónskerðing á öðru auga eða báðum.
• Slæmur höfuðverkur - án þekktrar skýringar.

Hafa ber í huga að sjúklingur getur vaknað með þessi einkenni."

Læknar segja að allir geti lært að greina hvort um heilablóðfall hefur verið að ræða. Það geri menn með því að leggja fyrir einstaklinginn þessar þrjár þrautir:

1. Biðja hann að HLÆJA
2. Biðja hann að LYFTA BÁÐUM HANDLEGGJUNUM
3. Biðja hann að segja EINFALDA SETNINGU - t.d. Sólin er hátt á lofti - eða - það er kalt í dag.

Eigi hann erfitt með eitthvert af þessu þá hringdu strax í 112 og lýstu einkennunum.
Ef þú átt heima utan Íslands skaltu festa þér í minni öryggissímanúmer landsins.
Á Norðurlöndum mun það einnig vera 112 og í Bandaríkjum Norður-Ameríku 911

Á Íslandi
hringirðu í
112

Hringdu í síma 112  - því fyrr þeim mun betra.

Fyrstu 3 tímarnir eru mjög krítískir fyrir rétta greiningu og meðhöndlun.

Kveðja - Páll B. Helgason, læknir.

Vísunin er hér >

Þessi síða opnast með vísuninni: http://www.gopfrettir.net/open/thuveist/

Mjallar
Kísilhreinsir

Fæst hjá
BéBé Vöruhús ehf
Vesturvör 30C
200 Kóp.
S: 512-3000

13.05.'08

Toppurinn er - Kísilhreinsir Frigg - sem hreinsar!
13. maí 2008 kostuðu 5 lítrarnir kr. 3.948 með 12% afslætti. 

Efnið inniheldur meðal annars saltpétursýru og flúorsölt og það þarf að umgangast það eins og sýru og gæta þess að hún ekki fari á málm - t.d. í niðurfalli á gólfi, því það sér á málmhlutum ef efnið kemst á þá.

Gott er að bera á með pensli. Hræra aftur í því á fletinum með pensli eftir nokkrar mínútur og í þau skipti bar ritari meira efni á. Það má líða nokkuð langt á milli því sýran lætur glerið í friði.
Skola að lokum með kalda vatninu. Glerið verður kalklaust!!

Kalda vatnið er hin daglega vörn!
Þú heldur veggjum klefans kalklausum eða amk kalklitlum með því að nota kalda vatnið þegar þú ferð í sturtubaðið - svona:

• Byrjaðu á að fullbleyta veggina með köldu vatni - allan hringinn!
• Farðu nú í baðið hæfilega heitt. Kalkríka heita vatnið rennur nú niður blauta veggi sturtuklefans.
• Strax á eftir skaltu skola heita vatnið af veggjunum með köldu vatni - já - allan hringinn!

Eitthvert mesta vandamál okkar, sem eigum til hnífs og skeiðar, er einmitt það að við borðum og borðum og reynum alltaf að klára matinn okkar - þó mikið af honum sé okkur alveg óþarft og oft ofaukið og miklu betur komið í ruslatunnunni heldur en utan á okkur.

Eftir dúk og disk gerum við okkur grein fyrir þessu - en munum við ekki samt halda áfram að segja Kláraðu matinn þinn ?

Danski
matarpýramídinn
er endurgerður
reglulega
-
þar eru líka
uppskriftir
að heilsu-
samlegu
mataræði
-
Matseðill
fyrir
vikuna
og einnig
næstu
viku!!

Kjöt- og mjólkurframleiðendur í Bandaríkjunum voru ekki glaðir þegar næringarfræðingar landbúnaðarráðuneytisins settu upp þennan fæðupýramída til að auðvelda almenningi að átta sig á mikilvægi fæðutegunda. Þrátt fyrir mikil mótmæli varð þessi framsetning ákveðin árið 1992 - en hefur ekki verið mikið hampað. Hér er kornmatur undirstaðan, grænmeti og ávextir koma næstir. Mjólk og kjöt er hins vegar ekki sérlega nauðsynlegt.

1977 kom út skýrsla með ráðleggingunum:

• Meiri kolvetni - allt að 55-60%.
• Meiri fisk, fuglakjöt, gróft korn, ávexti og grænmeti.
• Minna kjöt, egg, smjör,sykur, salt og ekki mjólk - heldur léttmjólk.

Auðvitað voru kjöt- og mjólkurframleiðendur æfir - og áhrif þeirra eru ekki lítil.

Miklu fleira er að finna í greininni í Neytendablaðinu sem kynnir efni bókarinnar Food Politics eftir Marion Nestle, prófessor við N.Y.-University.

Skoðaðu danska matarpýramídann og matseðlana!

BMI

Sjá einnig
Matarmál

doktor.is >>

Reiknast svona:
BMI = (Líkamsþyngd í kg) deilt með (hæðin í metrum margfölduð með sjálfri sér)

Dæmi:
Sigurliði vegur 60 kíló og er 160 sentimetra hár
160 sentimetrar = 1,6 metrar
Sigurliða BMI = 60 / (1,6 * 1,6) = 23,4

Kjörþyngdartafla:

Flokkun þyngdar eftir BMI:

Á vefnum Doktor.is færðu þitt BMI útreiknað ásamt mörgum nytsömum ráðum
Músaðu hér >> Offita - kjörþyngd (sjálfskönnun)

Einfaldasta ráðið til að láta sinn eigin líkama hjálpa sér - er að fara svona að:

• Alltaf að taka tvisvar á diskinn. Þegar þú veist að þú munt fara aðra ferð geturðu fengið þig til að taka talsvert hóflega í fyrri ferðinni.
• Borða rólega af diskinum. Tala við þá sem nærri eru eða líta í lesmál ef ekki eru aðrir til staðar.
• Þegar 12-15 mínútur hafa liðið frá því þú laukst af diskinum færðu þér aftur á diskinn. Nú hefur maginn komið skilaboðum til heilans og þú tekur á diskinn í samræmi vð það.

Seinna ráðið: 

• Ekki borða neitt - nema drekka vatn ef þarft - síðustu 4 klukkustundirnar áður en þú ferð að sofa.
• Athugaðu - að þú getur borðað hvað sem er! en ekki borða allt sama daginn! Langar þig í ís - eða steik - og klukkan er orðin 20? Þá skaltu ákveða að fá þér annað hvort á morgun á góðum tíma. Athugaðu að á Íslandi árið 2002 er hungur aðeins hugarfluga. Ef hún kemur á skökkum tíma skaltu fá þér vatn að drekka og hugsa um annað. Í fyrramálið muntu alls ekki finna til svengdar! 

Nú kemur snjalla ráðið: Hentu því sem eftir er!!

>>

kom til
Íslands
2006
og
2009

Jane Plant er aðstoðarforstjóri bresku jarðfræðistofnunarinnar (British Geological Survey) og prófessor við Imperial College of Science, Technology and Medicine í London.

Jane Plant fékk brjóstakrabba sem tók sig upp aftur og aftur. Hún missti brjóstið og krabbameinið elnaði uns engin læknisráð bitu á það og hún fékk árið 1987 tilkynningu um mest þriggja mánaða lífstíma. Hún ákvað að nota þann tíma til að beita þekkingu sinni og reynslu við að leita sér ráðs. Hún skoðaði útbreiðslu krabbameins og ályktaði um tengsl þess við fæðukost og niðurstaðan var sú að hún hætti að neyta mjólkur og mjólkurafurða - en þær eru vægast sagt víða.

Árangur varð áhrifamikill og Jane Plant lifir enn, kennir sér einskis krabbameins og hefur gefið fjölmörgum konum ráð sem hafa hjálpað þeim úr þessum heljargreipum. Hún gaf út bókina Your Life in Your Hands sem fjallar um þetta. 

Sjá viðtal Katrínar Oddsdóttur við Jane Plant þegar hún heimsótti Ísland.

Jane Plant hefur auk bóka sinna komið liðsinni sínu út á vefinn til að hjálpin geti náð til sem flestra. Skoðaðu

http://www.cancersupportinternational.com/

Greina-
safn

Safn greina um mjólk og mjólkurneyslu

á vef AFPA, American Fitness Professionals & Associates.

>>

Samantekt
Svavars
Hávarðssonar
í
Fréttablaðinu
13. okt. 2011

• Heiti friðlýsingarflokks
  • víðátta
    • tilgangur eða markmið friðlýsingarinnar
• Náttúruvé
  • Oft minni svæði eða hluti stærri svæða.
    • Tilgangur og markmið friðlýsingar:
      Friðlýsing með strangri verndun, miklum takmörkunum á umferð og nýtingu, í þeim tilgangi að varðveita líffræðilega fjölbreytni og mögulega einnig jarðminjar/jarðmyndanir. Svæðin geta haft ómetanlegt gildi sem viðmiðunarsvæði fyrir vísindarannsóknir og vöktun.
• Víðerni
  • Stór og lítt snortin svæði.
    • Tilgangur og markmið friðlýsingar:
      Friðlýsing miðar fyrst og fremst að því að varðveita víðáttumikil svæði, lítt snortin af áhrifum, inngripum og framkvæmdum mannsins.
• Þjóðgarður
  • Venjulega stærri svæði
    • Friðlýsing til að vernda heildstætt landslag, jarðmyndanir og vistkerfi svo og menningarleg og söguleg gildi viðkomandi svæðis - m.a. til að stuðla að því að almenningur eigi aðgang að fjölbreyttum náttúrulegum svæðum til útivistar og fræðslu.
• Náttúruvætti
  • Oftast minni svæði.
    • Oftast jarðfræðileg fyrirbæri sem vernduð eru vegna fræðilegs gildis, fegurðar eða sérkenna.
• Friðlönd
  • Misstór svæði
    • Friðlýst vegna mikilvægra vistkerfa, vistgerða, tegunda og búsvæða þeirra.
• Landslagsverndarsvæði
  • Venjulega stærri svæði
    • Friðlýsing miðar að verndun sérstæðs og fágæts landslags, landslagsheilda og jarðmyndana.
• Verndarsvæði með sjálfbærri hefðbundinni nýtingu
  • Venjulega stærri svæði
    • Friðlýsing þjónar fyrst og fremst þeim tilgangi að vernda náttúruleg vistkerfi sem nýtt eru með sjálfbærum hætti.
• Fólkvangur
  • Misstór svæði
    • Friðlýsing náttúrulegs svæðis til útivistar í grennd við þéttbýli.

 >>

Margir eru afar snjallir samningamenn þegar þeir semja fyrir aðra en lakari þegar þeir þurfa að semja fyrir sjálfan sig.  Í septemberlok 2011 skrifaði Aðalsteinn Leifsson, lektor í viðskiptadeild Háskólans í Reykjavík hugvekju og hollráð sem sérstaklega var beint til kvenna sem ætla að semja við launagreiðandan um hærri laun, - þ.e. selja eigin vinnuframlag dýrar.  Hann dregur fram í lokin eftirgreind 10 atriði "sem rannsalendur í samningatækni hafa bent á að styðja konur og karla til árangurs í launaviðræðum":

1. Byggðu tilboð þitt á hlutlægum rökum með vísan í nýjar launakannanir, starfsaldur, álag og svo framvegis.
2. Gerðu alltaf ráð fyrir að tilboð þeirra sé umsemjanlegt - ekki samþykkja fyrsta boð frá þeim!
3. Sýndu starfinu gríðarlegan áhuga! En - minntu um leið á að þú þurfir að tryggja ákveðnar grunnþarfir.
4. Mundu að setja öll samningsatriðin á borðið og ekki gleyma mögulegum hlunnindum.
5. Ekki segja frá lágmarksfjárhæðinni sem þú gætir sætt þig við - en vert skýr þannig að þeir viti hvað þú teljir vera vel ásættanlegan samning.
6. Ekki nefna bil - svo sem: " ... ég vil fá 320 til 360 þúsund". Stattu með sjálfri þér!
7. Vertu ákveðin en ekki fara í tilboðsstríð. Það er ekki hægt að senda tilboð oft fram og til baka. Nauðsynlegt er að gera sér grein fyrir hvenær rétt er að hætta að ýta.
8. Æfðu þig - á maka eða vini.
9. Ímyndaðu þér að þú sért að semja fyrir hönd annarra en sjálfrar þín - t.d. hæfileikaríks vinar.
10. Brostu - og reyndu að njóta þess að semja!

Þessi góðu ráð eiga erindi til allra - hvort sem þeir eru að semja um eigin laun eða annarra - eða kaupa sér bíl eða hús - eða ... .

Áður en farið er í samningaviðræður - raunar áður en tekin er ákvörðun um að taka upp samninga - er nytsamt að íhuga sinn gang. Við getum kallað það undirbúning að fyrsta liðnum.

• Fara nákvæmlega yfir alla þá þætti sem ég hef þegar í hendi. (Alls ekki kemur til greina að gera nýjan samning sem skerðir það sem ég hef í hendi - nema annað komi ríflega í staðinn.)
  • Í kjaramálum:
    • Hver eru núverandi laun mín að öllu meðtöldu? Hvernig hentar sumarleyfistíminn sem úthlutaður er? Hver eru önnur hagfelld atriði sem fylgja starfinu? Hvaða útgjöld fylgja, - ferðakostnaður, starfsmannafélagskostnaður/hagur? Hvert er starfsöryggið?
    • Hvaða launatölur eða annað hagræði eru viðmiðunaraðilar með - eða virðast vera með?
    • Hversu mikil er óánægja mín með núverandi kjör?
    • Hversu auðvelt er það fyrir mig að segja upp og skipta um vinnustað?
  • Í viðskiptum
    • Sem kaupandi að bíl eða húsi spyr ég aðra söluaðila um líklegt verð sem ég geti fengið ef þeir selji eignina fyrir mig.
      Ég gæti þess að finna öll óhagræði sem fylgja eigninni - því hugsanlegt er að ég verði að selja skjótt aftur og þá er eins víst að sá kaupandi sjái þau óhagræði en ekki þá kosti sem ég sé við kaupin.
    • Sem seljandi íhuga ég hag minn af því að nýta eignina sjálfur.
• Koma mér niður á þá upphæð sem ég geti vel sætt mig við - og þá upphæð sem ég geti ekki sætt mig við. (Þessar upphæðir nefni ég aldrei við samningsaðilann og ekki heldur við neinn sem hugsanlega getur borið þær upplýsingar til hans - t.d. á stefnumóti.)
  • Í launamálum: Setjum svo að ég hafi 350 þúsund í laun á mánuði.
    • Efri mörkin: Ljóst er að (1) ég get vel sætt mig við milljón á mánuði. (2) Raunar mundi ég einnig sætta mig við hálfa milljón á mánuði. (3) Ég mundi þó ekki æsa mig upp ef mér væru boðin 450 þúsund. Ég mundi taka því.
    • Neðri mörkin: Almennar launahækkanir samkvæmt hagstofu eru 5% eftir svipaðan tíma og núverandi launasamningur minn hefur staðið og það mundi skila mér 17.500 króna hækkun. Með ýmsum mikilvægum rökum sýnist mér að ég hafi verið verulega undirborgaður þetta sama undangengna tímabil. Lágmarkið set ég við töluna 400 þúsund að meðtalinni almennu hækkuninni.
  • Við kaup og sölu: Ég hef þegar reiknað út nytsemisvirði hlutarins sem ég á og vil selja - eða sem ég ekki á en vil bjóða í. Eftirkeppni mín ræður hversu mikið yfirverð ég er tilbúinn að greiða eða hve mikið undirverð ég er tilbúinn til að fá við söluna. Fari tilboð eða kröfur út fyrir hin settu mörk borga kaupin sig ekki fyrir mig. Þá hætti ég.
    (Nauðsynlegt er að gæta þess að halda ekki áfram af misskilinni skyldurækni gagnvart mótaðilanum - en hún er einmitt eitt af tækjum hans til að lækka væntingar mínar og rýra sjálfstraust mitt svo ég þori ekki að slíta viðræðunum. Takist honum það getur útkoman jafnvel skilað mér rýrnun frá því sem ég hafði í upphafi.)

Æfingartilefnin eru fjölmörg í daglegu lífi.

>>

Drög

Hér koma drög að skoðunarferð um Stór-Kópavogssvæðið sem nota má þegar frændur og vinir koma í bæinn - eða erlendir ferðamenn:

• Perlan og útihverinn - einnig má byrja í Kringlunni - það fer líka eftir stærð hópsins og fyrirkomulagi ferðarinnar hvar heppilegast er að byrja.
  
  Gosbrunnurinn inni í Perlunni sprautar á 5 mínútna fresti en gervihverinn vestan bílastæðisins gýs örar.

• Árbæjarsafn - með því að aka norður yfir Elliðaár á Höfðabakkabrúnni má sýna svæðið án þess að fara inn á það. Ef farið er inn er þess að geta að uppáfinningasemi umsjónarmanna þar eru lítil takmörk sett. Það þarf bæði að greiða aðgang og einnig að skilja myndavélar eftir utan dyra - að maður tali nú ekki um upptökuvélar.
• Gufunes - Strandvegur - listaverkagarðurinn með verkum Hallsteins Sigurðssonar sem var frændi Ásmundar Sveinssonar - Héðan sést yfir eiðið til Geldinganess og horfa má yfir þar sem til stendur að Sundabrautin liggi - ofan eða neðan sjávar. Þar má einnig horfa til Korpúlfsstaða og Blikastaða og nefna gömlu leiðina frá Reykjavík vestur og norður í land.
• Grafarholt - þar sem eru tankarnir með heitu vatni frá Nesjavöllum. Útsýni yfir höfuðborgarsvæðið er frábært og sólsetrin eru glæsileg héðan að sjá. Hér er tilefni er til að ræða hitaveituna og virkjunina við Nesjavelli. Einnig sér til Heiðmerkurinnar þar sem er bæði útivistar- og gróðursetningasvæði.

• Laugarás - Hjá Áskirkju er gott útsýni yfir dalinn og mannvirkin þar. Þar er að nefna íþróttamannvirkin og útivistarkostina - fjölskyldugarðinn og grasagarðinn. Ekki gleyma gömlu þvottalaugunum og þeirra sögu - og því fólki sem lifði af því að rogast þangað með þvott í öllum veðrum. Manstu eftir gömlu timbur-sundlaugunum í Laugardal?
• Köllunarklettsvegur - þar sem kallað var á ferjuna yfir til Viðeyjar. Vel sést til eyjarinnar.
• Grafreiturinn í Laugarnesi þar sem grafin er Hallgerður Langbrók Höskuldsdóttir Dalakollssonar og ekkja Gunnars á Hlíðarenda. Þar er Listasafn Sigurjóns.
• Listasafn Ásmundar Sveinssonar - (ég held að það sé ókeypis inn einn dag í viku - mánudag?)

• Reykjavegur - hitaveituskúrarnir Litlu brúnu hitaveituhúsin eru víða í Reykjavík. Þau eru byggð yfir borholur í borgarlandinu.
• Kyndikostnaður 2011 =>> 4.200 krónur á mánuði að kynda timburhúsið mitt sem glatar öllum hita þegar hann blæs á norðan. Íbúðin er um 90 fermetrar.

Við
Faxa-
flóa

Höfði -

Þorbergur Þorbergsson hefur gúglað eftirfarandi um Höfða - raunar á ensku - sem GÓP hefur snarað:

Í lok 19. aldar og í upphafi þeirrar tuttugustu voru Frakkar iðnir við kolann á Íslandsmiðum. Frönsk yfirvöld komu því á fót konsúl-embætti hér á landi til að vera þeim til aðstoðar. Sá sem valdist hét Brillouin. Hann fékk lóð undir húsið sem flutt var inn frá Noregi. Það var eitt fjölmargra húsa sem hingað voru keypt eftir pöntunarskrám en ef til vill voru fá glæsilegri.  Það ber enn mörk síns upphafs - meðal annars stafina RF sem er stytting á heiti franska lýðveldisins - svo og nafn konsúlsins og byggingarárið yfir dyrum innanhúss.

Ein af skreytingum hússins eru rómönsk knippi með öxum sem eiga að tákna vald rómanskra embættismanna til að húðstrýkja og hálshöggva. Önnur skreyting er Rauða húfan sem er hluti einkennisklæðnaðar Jakobína úr frönsku byltingunni 1789. Húsið var eitt þeirra stærstu í bænum og vakti fólki aðdáun. Brillouin fann sér hins vegar ekki staðfestu hér á landi og fluttist burtu í upphafi fyrra stríðs. Húsið var þá selt og það var skáldið, lögfræðingurinn og athafnamaðurinn Einar Benediktsson sem keypti það. Síðar var húsið um stundarsakir lagt undir breska varakonsúlinn og svo breska sendiherrann til ársins 1951.

Frægasti gestur  Höfða hefur sennilega verið Winston Churchill. Hann kom til Íslands árið 1941. Marlene Dietrich kom hér einning í síðara stríðinu. Síðastur breskra sendiherra til að hafa aðsetur í Höfða var piparsveinn sem varð fyrir frekar dularfullri reynslu. Á hverjum degi sá hann annars heims veru á sveimi í húsinu. Hann nefndi hana hvítu frúna. Hún reyndi svo mjög á taugar hans að hann kom breska utanríkisráðuneytinu til að selja húsið. Þar með komst það í eigu Reykjavíkurborgar og var ætlað til niðurrifs þar sem viðhaldi þess var orðið mjög ábótavant.

Arkitekt borgarinnar lét hins vegar á laun vinna að viðhaldi og sýndi síðan borgarstjóranum húsið sem varð mjög ánægður með útkomuna. Síðan hefur húsið verið notað fyrir opinberar móttökur og viðhafnarfundi. Þúsundir frægra gesta hafa heiðrað borgina með nærveru sinni, - þeirra á meðal leiðtogar ríkja, norski kóngurinn, franskir forsetar, drottningar Englands og Danmerkur, forseti Ítalíu, Willy Brandt kanslari Þýskalands og margir fleiri. Þekktustu gestir Höfða eru vafalaust þeir Ronald Reagan forseti Bandaríkjanna og Mikhail Gorbatsjov forseti Sovétríkjanna sem þar áttu toppfund í október 1986.

Sá fundur kynnti Höfða út um allan heim og japanskur auðmaður lét á sínum heimaslóðum byggja nákvæma eftirlíkingu hússins.

Styttan framan við Höfða táknar öndvegissúlur fyrsta innflytjandans frá Noregi.

• Sólfarið við Sæbraut - Gleymum ekki stríðinu sem þurfti til að saga niður súlurnar sem áður stóðu í veginum að sjá mætti þetta listaverk. Stúfarnir eru á stéttinni.

• Hallgrímskirkja - Hnitbjörg - Það fer eftir veðri hvort viturlegt er að fara upp í turninn. Sjálfsagt er að skoða verk Einars Jónssonar í Hnitbjörgum. Það er næsta ótrúlegt hversu honum tekst á magnaðan hátt að móta og birta okkur hugmyndir og hugtök! Aðgangseyrir er fyrir fullorðna.

• Alþingishúsið og miðbærinn - Aka um Austurvöll og miðbæinn.
• Ráðhúsið - Íslandslíkanið - Gleymdu ekki líkaninu af Íslandi í kjallara Ráðhússins.
• Smábátahöfnin - Þar lá áður íslenska víkingaskipið sem nú á sér heimahús í Njarðvík.
  Það er smíðað eftir norskri fyrirmynd. Var það Aaseborg-skipið eða Gokstad-skipið?
• Hvalbátarnir - við Slippinn
• Landakotskirkja
• Háskólahverfið og Norræna húsið - Þarna eru götur nefndar í höfuð Ara og Snorra svo hér opnast þér sú flóðgátt!

• Kópavogskirkja á Borgarholti byggð 1958-62. Frábær útsýnisstaður undir kvöldsól. Sérstök hönnun hússins og umhverfið er aðlaðandi. Gluggana hannaði Gerður Helgadóttir en neðar við sömu götu eru Listasafn Gerðar Helgadóttur og tónlistar-Salurinn.
• Rúts-tún hefur sína sögu - gjöf til bæjarins frá hjónunum Finnboga Rúti Valdemarssyni, oddvita Kópavogshrepps, og Huldu Jakobsdóttur, bæjarstjóra Kópavogsbæjar, sem bæði voru í fyrirsvari og forgöngu fyrir Kópavogsbúa í frumbernsku þéttbýlisins á Kópavogshálsinum.
• Kópavogshöfn - afar vel varið hafnarstæði og aðlaðandi smábátahöfn.
• Kópavogsfundurinn - Minnismerki er á túni Kópavogshælis við Hafnarfjarðarveginn.
• Kópavogslækurinn - Mannskaðavatn á síðustu öld.
• Víghólarnir (Veghólarnir?) - Hæsti útsýnisstaðurinn á höfuðborgarsvæðinu - neðan Breiðholts.
• Vatnsendi - Elliðavatn
• Vífilfell - Bláfjöll

• Arnarnes - Gott útsýni vestur yfir sjóinn og til Kópavogs og Reykjavíkur. Fjölskrúðug húsagerðarlist.
• Vífilsstaðir - Berklasjúkrahúsið geymir örlagasögu um stríð - oftast upp á dauða - en líka líf og að lokum sigur á berklunum.
• Vífilsstaðavatn - vegurinn suður með Heiðmörkinni - Afar falleg leið. Þar er ekið meðfram golfvelli. Tilheyrir hann Hafnarfirði?

• Bessastaðir eru á Álftanesi. Sveitarfélagið er vel gróið og hlýlegt heim að sækja. Fjaran er stór.

• Garðakirkja er í útjaðri byggðarinnar. Er hún er til vill í Álftaneshreppi?

• Hafnarfjörður - Fallegt bæjarfélag. Stórkostlegt útsýni af börðunum á suðausturhlið bæjarins niður yfir kvosina í sólsetri og næturljósum. Mér þykir enn meira til bæjarins koma eftir að byggð voru stóru húsin í miðbænum.
• Kaldársel - Ekið austur Selvogsgötuna hjá kirkjugarðinum og hesthúsunum. Aka má inn veginn við vatnsleiðsluna eða aðeins sunnar um slóð beint á Kaldársel við Kaldá. Þar lokast vegurinn við hlið að vatnsbrunnum Hafnfirðinga. Helgadalurinn er norðan við hólana. Eitthvað hefur umhverfismatið gleymst þegar hann var fylltur af vatni!
• Valaból - (Þetta er stysta leiðin inn á öræfi frá höfuðborgarsvæðinu en athugaðu að í maí er leiðin ef til vill of blaut!) Þú ekur til suðurs yfir Kaldá og tekur ógreinilega slóðann - sem senn verður skýrari. Hann er grófur en með lagi ferðu hann á öllum fjórdrifs-fólksbílum og einnig á fólksbílum sem ekki eru lágir. Þú ekur inn hraunadalinn og upp barðið í botni hans. Þá kemurðu á mel þar sem er dálitil melhæð. Af henni sérðu Helgafellið framundan en til norðurs sérðu á klettahrygg sem er bakhliðin á Valahnúkum - ef hægt er að tala um bakhlið á fjalli! Fylgdu vegarslóða yfir vesturenda klettahryggsins þar sem hann er lægri. Þegar þú ekur fram með Valahnúkunum að norðan kemurðu að girðingu. Þar er gróið svæði, töluverð trjárækt og friðsæll dásemdar-reitur. Hann heitir Valaból. Í klettarananum er hellir og þar er gestabók í járnhulstri. Skilaðu þangað kveðju frá mér.

Meira!

Að
draga
saman
seglin
með
því
að
hætta
að
sóa

Í áratugi þurfti ég að nota sérstakt og rándýrt tannkrem. Öll venjuleg tannkrem fóru illa með munnholið. Eftir fáein skipti voru óþægindin yfirþyrmandi. Það eina sem dugði var enn dýrara og fékkst ekki víða.

Mér hefur alltaf fundist vinningur fólginn í því að geta fengið ódýran hlut og uppgötva að hann er jafngóður þeim dýrari. Ég gríp því oft tækifæri til að prófa. Þegar kaupmáttur íslensku krónunnar var í hæstu hæðum 2007 sá ég tannkrem í Bónusi sem kostaði 80 krónur - eða fjórðung verðs margra annarra tegunda. Þetta var hið ómerkilega EuroShopper-tannkrem.

Við notkun fann ég tvennt. Í fyrsta lagi - að það var ágætt. Í öðru lagi - að það fór vel með munnholið. Sem sagt - algjört hitt.

Svo kom hrunið - í lok ársins 2008. Það er sama hvað þeir segja um að allir hafi vitað að allt væri að fara til fjandans - nema þau Geir og Ingibjörg Sólrún. Ég vissi það ekki.

Af samtíma ástæðum fór ég að hugsa um hvernig það væri að lenda í þrengingum eftir að hafa lifað í vellystingum. Ég fór að hugsa um tannkremið. Í vellystingunum nennir enginn að leiða hugann að því að stór op á tannkremstúpunni eru stór til að auka notkunina svo að unnt sé að selja hraðar. Í þrengingunum kemur að lokum sú hugmynd að það sé alveg óþarft að eyða meiru en nauðsynlegt er.

Hvað þarf mikið af tannkremi í hvert sinn? Auglýsingarnar segja: vel fullan tannbursta. Túpan endist allt upp í hálfan mánuð. Í vellystingum gerir það ekkert til. Þá er bara gaman að kaupa nýja.

Í þrengingum endar með því að manni dettur í hug að prófa minni hleðslu. 1 sentimetra. Það reynist miklu meira en nóg. 0,5 sentimetra. Það má í raun alls ekki vera meira. 0,2 sentimetrar. Það er ágætt. Túpan endist í fjóra og hálfan mánuð. Eftir hrunið hækkaði ES-túpan í 100 krónur en endist níu sinnum lengur en forðum. Og kostar ennþá minni hluta af verði annarra tegunda.

Í tannræktinni má klárlega orða það svo að hagur minn sé margfalt betri heldur en hann var á vellystinga-árunum fyrir hrun. Allt sem ég dró við mig - hafði alltaf verið óþarft.

Hvað getur þú látið túpuna endast lengi?

Þetta á við á öllum sviðum - þótt hagræðið sé misjafnt.

Ég hef verslað við fyrirtækið svar.tækni, Síðumúla 37 og þótt þar stundum vera viðunandi verð á nytsömum hlutum. Eitt hef ég þó ekki gert fyrr en í lok maí 2005. Þá fékk ég mann frá þeim heim til mín að stilla símstöð sem ég hafði keypt af þeim - en með bágum leiðbeiningum. Hann kom og var lipur og leysti sitt verk vel af hendi. Hann stóð við í hálfa klukkustund eða næstum því. 

Reikningurinn varð svona:

1. Vitjun - Símstöð forrituð. Kennsla - 1 eining - upphæð kr. 7.900
2. Akstur - kr. 1.295
3. Verkfæri - kr. 790
4. Virðisaukaskattur - kr. 2.446

Upphæð reiknings kr. 12.431

Dálítið magnað?
Það er þó ljóst að útseld vitjunarvinna er komin í kr. 12.500 með innanbæjarferð.

Að lokum er hér athugasemd fyrir þá sem selja út kennslu:
Kennsla er ekki virðisaukaskattskyld
en það merkir að sá sem kaupir kennslu á ekki að greiða virðisaukaskatt af þeim kaupum.

Veggfóður

• Hitastig minnst 15 celsíusgráður svo límið þorni nógu fljótt og veggfóðrið sígi ekki á meðan.
• Loftbóluvandræði? Mögulegt er að stinga lítið gat á bóluna. Ef lím reynist vanta má - afar fínlega (!!!) koma því inn um gatið - en gættu að yfirborði veggfóðursins sem er afar viðkvæmt þegar það er blautt.
• Notaðu hallamál - eða lóð - til að fá veggfóðurslengjuna lóðrétta.
• Best er að byrja við dyr eða glugga.
• Reyndu að láta brún veggfóðurslengju vera sem allra næst horninu. 0 - 3 sm er ágætt.
• Ef veggfóðrið er mynstrað og lengjurnar eiga að taka hver við af annarri með vissum hætti þá skaltu byrja við gluggann. Þá eru fyrstu misfellur í skugga þegar sólin skín inn um gluggann!!
• Við rafmagnsinnstungur og þar sem ljós koma út úr vegg skal fyrst skrúfa burt lok eða ljós ef skurður má ekki sjást. Leggja svo lengjuna þurra að veggnum og skera í hana lítinn kross þar sem gatið verður. Síðan er veggfóðurlengjan límborinn og lögð á vegginn, klippt burt það sem verður fyrir og lokið skrúfað yfir.

Vertu!

Vertu tillitssamur
og vertu heiðarlegur

Vertu tillitssamur! Vertu heiðarlegur! segjum við stanslaust við börnin okkar. Þegar þau feta sig áfram eftir mjóa veginum um lífsins rangala sjá þau fljótt að tillitssemi og heiðarleiki er ekki gegnumgangandi einkenni þeirra sem betur gengur að olnboga sig áfram. Þvert á móti! Þeir tillitssömu olnboga sig ekki áfram á kostnað annarra og þeir heiðarlegu eru uppteknir við það að hafa alls ekki af náunganum. Þá segjum við: Haltu áfram að vera tillitssamur og heiðarlegur! Það er ekki allt fengið með því að safna auði! Þannig stöndum við í vegi fyrir því að börnin okkar geti tekið þátt í olnbogaleik lífsins á jafnréttisgrundvelli.

Vertu tillitssamur og heiðarlegur!

Öku-
maður!

Fyrsta viðbragð á að vera: keyra á kindina!

Íhugaðu málið alvarlega og gerðu þetta upp við þig. Lögmálið er: alls ekki að breyta akstursstefnu bílsins nema algjörlega nægur tími sé til! Þegar þú sérð kindina er fyrsta ákvörðun þín samstundis þessi: ég keyri á þig! Síðan leyfirðu þér að íhuga hvort þú hefur ef til vill tíma til að gera mildandi ráðstafanir aðrar en bara þær að draga úr hraðanum.

Dauð kind er aðeins dálítið tilfinningalegt áfall - og ábyrgðartrygging bílsins greiðir dálitla fjárupphæð til bóndans (ennþá --- en auðvitað ætti bóndinn að greiða þér - en það kemur seinna).

Það er vissulega leitt að verða fyrir því að murka lífið úr kindinni - lítið eitt áður en bóndinn ætlaði hvort sem var að senda hana í hlutum inn í kjötbúðina - en það er léttara að lifa við það heldur en meiðsl á fólki og jafnvel stórslys vegna ósjálfráðra viðbragða við að beygja frá skepnunni.

Sama á auðvitað við um ánamaðka, köngulær, mýs og ketti, hunda, refi og fugla - líka erni og svani og raunar líka kálfa, kýr, naut, hreindýr og hesta þótt þar verði meiri hætta á ferðum fyrir þá sem í bílnum sitja.

Ýmis

GÓP hefur prófað þetta - margsinnis. Hreinsar vel og það perlar af bílnum á eftir.

GÓP hefur prófað þetta - en aðeins einu sinni. Virkaði ekki vel. Ef til vill ekki nógu fínir plastþræðir í tilrauninni.

Ýmis -
uppskriftir

• Jurtarjómi 1 lítri << Menkomel paa vegetablisk basis - Whipping. Kæla hann og síðan þeyta.
• 6 egg þeytt vel - með sykri hvítum eða púðursykri. Sett þar út í bragðefni 2-3 teskeiðar s.s. súkkulaði, líkjör, toblerone, daim, ... .
• Ofantalið hrært saman og síðan þeytt. Sett í kæli uns neytt er.

• O Fortuna úr Carmina Burana eftir Carl Orff * Hefur verið víða notuð í kvikmyndum, sjónvarpsþáttum og einnig í auglýsingum.
• Rhapsody in Blue eftir George Gershwin * Notað í mörgum kvikmyndum og í sjónvarpsefni.
• Dies Irae úr Requiem eftir Verdi * Aægengt æsandi stef í eltingarleikjum og spennusenum.
• Habanera úr Carmen eftir Bizet * Ástarundirspil fyrir rómantískar sendur.
• Ride of the Valkyries úr Die Walküre eftir Richard Wagner * Taktföst hrynjandi undir aukandi spennu.
• Clair de Lune eftir Claude Debussy * Píanóverk sem hefur ratað víða í skemmtibransanum.
• 1812 Overture eftir Tsjaíkovskíj * Notað þegar magna skal væntingar og undirbúa áhrifamiklar senur.