Til baka

MR59
-vefur

Páll B. Helgason
læknir

sjötugur 22. júní 2008

*  *

Páll fæddist í Svíþjóð en ólst upp í Reykjavík frá tveggja ára aldri. Hann gekk í Vesturbæjarskólann í Reykjavík, lauk stúdentsprófi frá MR 1959, stundaði nám í læknisfræði við HÍ og lauk þaðan cand. med. et chir. - prófi 1967. Páll var námskandidat á Landspítalanum, Landakotsspítala og Borgarspítalanum þar sem hann var einnig við framhaldsnám á svæfingardeild 1968-70. Hann stundaði framhaldsnám í orku- og endurhæfingarlækningum við Mayo Graduate School of Medicine í Rochester í Minnesota 1970-74. Páll er viðurkenndur sérfræðingur í orku- og endurhæfingarlækningum í Bandaríkjunum og á Íslandi og hefur sótt námskeið og ráðstefnur á því sviði í Bandaríkjunum, á Bretlandi og víðar.

Páll var lektir í líffærafræði við HÍ 1974-84, stundakennari í læknisfræðilegri endurhæfingu við HÍ um árabil frá 1975 og sömuleiðis stundakennari við Nýja hjúkrunarskólann veturinn 1975-76. Páll var sérfræðingur í orku- og endurhæfingarlækningum á Landspítalanum 1974-81 og yfirlæknir endurhæfingardeildar Landspítalans 1981-94, sérfræðingur í endurhæfingarlækningum við öldrunardeild Landspítalans og Vífilsstaðaspítalann 1994-96, settur yfirlæknir í endurhæfingu aldraðra við Lénssjúkrahúsið í Sundsvall í Svíþjóð 1997 og héraðslæknir á Ólafsfirði frá ársbyrjun1998, var yfirlæknir endurhæfingardeildarinnar á FSA 1998-99 og var síðan læknir á heilsugæslunni í Stykkishólmi frá 1999 og í nokkur ár.

Páll hefur verið ráðgefandi læknir ýmissa félaga og stofnana, t.d. Hjálpartækjabankans og Íþróttasambands fatlaðra en þar var hann varaforseti 1979-84. Þá hefur Páll starfað í ýmsum félögum og nefndum.

Börn Páls og Sigurlaugar eru Anna Hrönn f. 13.3.1961, bankastarfsmaður í Reykjavík, Gunnlaug Dröfn f. 20.8.1969, bókmenntafræðingur og starfsmaður Flugfélags Íslands, Ragnheiður Líney f. 27.11.1972, grunnskólakennari við Laugarnesskóla, Snorri Karl f. 8.7.1975, starfsmaður á Grundartanga.

Seinni kona Páls er Virginia C. Revilles f. 23.2.1948, viðskiptafræðingur.

Systkini Páls eru Jóhannes f. 25.6.1946, fyrrv. útibússtjóri SPRON, búsettur í Kópavogi, Líney Hallfríður f. 22.6.1949, skólastjóri á Raufarhöfn.

Helgi var sonur Bergs, skipstjóra í Reykjavík, Pálssonar og konu hans Helgu Magnúsdóttur húsmóður.

Líney er systir Jónu Kristjönu, móður Benedikts Árnasonar leikstjóra. Líney er dóttir Jóhannesar Baldvins Sigurjónssonar óðalsbónda á Laxamýri, bróður Jóhanns skálds og Snjólaugar, móður Sigurjóns fyrrverandi lögreglustjóra, og Ingibjargar, móður Magnúsar Magnússonar sjónvarpsmanns hjá BBC. Jóhannes var sonur Sigurjóns dannebrogsmanns á Laxamýri, Jóhannessonar, og Snjólaugar Þorvaldsdóttur. Móðir Líneyjar var Þórdís Þorsteinsdóttir.